Durante os primeiros días de escola os/as pequenos/as de primeiro de primaria traballaron no proxecto “Coñecendo o meu Sagrado”. Con el investigaron as aulas que hai máis alá das de primeiro e  para iso tivemos a axuda dos maiores.

A nosa escola non só se move cos/as mestres/as, precísanse moitas profesións coma cociñeiros/as, persoal de limpeza, coidadores/as, administrativos/as e persoal de mantemento para que o Sagrado funcione correctamente.

Desde a cociña ao laboratorio, pasando por dirección e sen esquecer a capela, toda as persoas que traballan cóbado con cóbado para facer cada día a nosa escola mellor,  amosáronnos o seu funcionamento e aquí podedes velo.