Etiqueta: Segundo (página 1 de 2)

CELEBRACIÓN LETRAS GALEGAS

O pasado mércores 16 os/as alumnos/as de Infantil e de Primaria celebraron o Día das Letras Galegas e a festa dos maios cunha pequena celebración no teatro do noso cole.

Pasamos un rato moi divertido no que os/as rapaces/as de 6º recitaron o poema E haberá tirón de orellas? de Mª Victoria Moreno, homenaxeada das Letras Galegas deste ano; os/as nenos/as de 5º recitaron as coplas dos maios do noso cole; e, os/as de 4º fixéronlle unha entrevista a mismísima Mª Victoria Moreno!

A continuación vos deixamos unhas fotos con algúns momentos da nosa celebración e tamén as coplas dos nosos maios.

Recibamos este maio

con moita ledicia

verde, branco, amarelo,…

ven cheo de margaridas!

Este ano o noso lema

foi alén das aulas

saímos todos ás rúas

invadimos Pontevedra.

Os proxectos de infantil

fóronche moi riquiños

haiche moita ilusión

xa naceron os poliños.

Este ano, no entroido

chegaron os superheróes

Superwoman, Superman

e tamén o Batman.

No noso colexio

se te queres animar

ós exames de Cambridge

pódeste apuntar.

O Sagrado Máis

tivo moita animación

houbo charlas, mercadillo,

un concerto e cancións.

Fixeron as comunións

os rapaces e rapazas

o teatro estaba cheo

de traxes e garabatas!

Este ano ó colexio

viñeron moitos famosos:

César Bona, Xabier Fortes,

e tamén Ana Pastor.

O equipo de biblioteca

fixo un gran traballo

cantos libros ordenaron

lles damos un gran aprauso.

Agora xa temos a horta,

xa non falta de nada

prantaremos as leitugas,

margaridas e patacas.

Esta é a derradeira

xa toca a despedida

voltaremos o ano próximo

con outra cantiga!

 

Salón do libro

Os alumnos e as alumnas de Segundo de Primaria do Sagrado, a partires da segunda avaliación, comezaron a traballar na súa aportación ao Salón do Libro de Pontevedra.

O Salón do Libro é unha importante proposta do Concello de Pontevedra para fomentar a lectura entre os mozos e mozas da zona. Dende o Salón, non so se crea un fantástico espazo de animación á lectura ou se ofrecen diferentes propostas culturais, se non que tamén son os centros escolares os que se implican e participan creando parte de ese espazo.

Este ano, o tema do Salón é “Mulleres de Conto”. Neste caso, os alumnos de 2º traballaron da man de alumnos de 4º da ESO en diferentes sesións semanais a modo de actividade de aprendizaxe e servizo. A idea foi que os alumnos maiores elixiran diferentes contos nos que houbese unha protagonista feminina, e cada un deles lle contaría o conto a un grupo de seis ou sete alumnos de Segundo. Eles mesmos foron os que elixiron o que sería o produto final, unha gran árbore feita en base a eses contos. Para a posta en práctica desta actividade non só tiveron que pensar nunha boa idea, se non que tamén fixeron o deseño da árbore con cada un dos seus elementos, e ademais planificaron as diferentes sesións para levalo a cabo cos nenos, tendo en conta a súa idade e actuando de mestres-guía dende o comezo ata o final da actividade.

Despois da primeira sesión na que se lera o conto, e feita unha reflexión conxunta dos alumnos cos seus axudantes, na seguinte sesión escolléronse as palabras que lles pareceron máis relevantes da historia.

No momento que se tiñan claras as palabras coas que querían traballar, iniciouse o traballo plástico nas dúas seguintes sesións no aula de plástica dos maiores. O traballo consistía en forrar unhas botellas de auga con cola branca e cachiños de papel de periódico, coma se fosen ramas dunha gran árbore. Na seguinte sesión completouse o traballo, recortando as follas que se pegarían en arames suxeitos ás ramas da árbore, gravando nelas as palabras que querían destacar dos contos traballados.

O resultado foi unha gran árbore froito do traballo de máis de cen alumnos en total, co que se quere ser parte desa magnífica homenaxe que fai este ano o Salón do Libro ás Mulleres de Conto que non lles vale con ser simples adornos en historias doutros, se non que son protagonistas das súas propias historias, e sobre todo, un gran exemplo para todos as e nenas do mundo.

Alén do espazo

Na segunda avaliación os nenos e nenas de 2º de Primaria traballamos sobre o espazo. Dende o principio pareceunos un tema moi chulo, no que poderíamos aprender moitas cousas, como cómo viven os astronautas, que hai máis aló do noso Sistema Solar ou descubrir máis sobre preguntas todavía non resoltas, como que son realmente os buratos negros, ou se existe de verdade a vida extraterrestre.

Todo comezou cando un día atopamos as portas da clase decoradas con diferentes planetas e cos nosos nomes e fotos incluidos nelas como estrelas, astronautas ou naves espaciais. Ese mesmo día fixemos a tarefa “que sei, que quero saber” na que puxéramos en común todo o que sabiamos e o que queriamos descubrir sobre todo aquilo o que está máis alá do noso planeta.

Despois trouxemos cada un algo de información sobre eses temas, mentres iamos traballando en clase o tema do espazo dende as diferentes materias, como operacións matemáticas con estrelas, atopar tipos de palabras en textos relacionados con universo, manualidades para exemplificar o movemento da Lúa, da Terra e dos Sol, ou as nosas propias escafandras de astronauta.

Tivemos a colaboración de dous familiares que viñéronnos falar sobre “As matemáticas e os inventos no espazo”. Foron unhas exposicións moi interesantes de dous auténticos expertos no tema, que nos trouxeron material e imáxenes que nunca víramos antes.

Tamén nós pudimos ir ó observatorio astronómico de Forcarei e descubrir como dende alí vixían os diferentes planetas, estrelas ou constelacións, cun telescopio súperpotente.

Este proxecto axudounos a descubrir moitas cousas que non sabíamos do espazo, e quen sabe se no futuro algún de nós poderá ir nunha nave a comprobalas por si mesmo. Ganas non nos faltaron!

AMOR

Aquí tenéis una pequeña muestra de cómo trabajamos las emociones con nuestro alumnado. Dentro del Plan de Acción Tutorial tenemos diseñadas actividades para que l@s niñ@s sean capaces de descubrir, identificar y diferenciar sus propias emociones.

En este caso, el alumnado de 2º de Primaria ha hecho un fenomenal trabajo sobre una de las emociones mas importantes, el AMOR.

ENTROIDO

Moito nos gusta a festa no noso cole e, como non podía ser menos, aproveitamos o entroido para facer un gran desfile e unha festa con bailes e xogos incluídos!

Aquí vos deixamos unha mostra delo!

 

 

DÍA DE LA PAZ Y LA NO VIOLENCIA

El 30 de enero hemos celebrado el Día Escolar de la Paz y la No Violencia con alegría y compromiso.

Bajo el lema “Alén dunha historia”, los pequeños han trabajado el cuento “Viva la Paz” y los mayores ocho historias de personajes reales que les sirvieron de inspiración. Todo está expuesto en el patio de columnas.

Por supuesto no faltó una preciosa coreografía creada por niños y niñas de 5º y una actuación musical con alumnos de 5º y 6º. Hemos disfrutado y aprendido a lo grande.

ALÉN DA IDADE MEDIA

Na primeira avaliación os alumnos de Segundo de PrimariA do Sagrado tivemos o proxecto “Alén da Idade Media”. De primeiras, parecía un tema moi interesante, porque todos tiñamos moita curiosidade por saber, sobre todo, como se vivía nos castelos, como traballaban, que comían ou como era a vida dos señores dos castelos.

O primeiro día, o mestre recolleu todas as preguntas que nos ían saíndo. O principio eran normais, pero despois, as preguntas eran cada vez máis raras e interesantes. Como se comunicaban, como se lavaban, como se desprazaban , ata como ían ó cuarto de baño!

Pouco a pouco comezamos levando á clase traballos, información, murais, presentacións no ordenador ou incluso maquetas dun castelo, ou réplicas das armas que usaban!!

Cada compañeiro era mestre por un momento e ensinábanos o que preparara. Eu preparei coa axuda dos meus pais un mural das diferentes partes dun castelo, e as indicaba nun debuxo. Molou moito ensinarlle as partes do castelo a todos os compañeiros , e incluso ó mestre!!

Tivemos dúas excursións, que foron momentos moi divertidos. A primeira foi ó Castelo de Soutomaior, alí puidemos ver e percorrer por todas as partes que aprenderamos na clase: patio de armas, ponte levadiza, paseo de ronda… estaba
todo!! Pero a min, a parte que máis me gustou foron os calabozos. Sentímonos como Pedro Madruga camiñando polo seu Castelo na Idade Media. Tamén fomos ó Museo de Pontevedra. Alí un guía moi simpático ensinounos diferentes obras de arte da Idade Media que se atoparon cerca de Pontevedra. Comprobamos que case todas eran relixiosas e poñíanse nas igrexas. Servían para adornalas e para representar partes da vida de Xesús e outros santos.

Por último, o derradeiro día tivemos o acto de nomeamento de Cabaleiros e Cabaleiras do Sagrado Corazón. Durante os días anteriores fixemos os nosos propios escudos, espadas e traxes de cabaleiros e cabaleiras para que puidera ser un nomeamento real. Os mestres, que facían de señores feudais, fixeron isto para celebrar que remataramos o proxecto e aprendemos un montón sobre a vida na Idade Media e os Castelos.

Día del Juguete

La magia de los Reyes Magos va alén de los hogares de los/as niños/as y llega a nuestro cole para compartirla con sus compañeros/as.

DÍA CONTRA LA VIOLENCIA DE GÉNERO

El alumnado de Educación Primaria trabajó durante las últimas dos semanas la importancia de no discriminar, respetar y fomentar la igualdad entre niños y niñas.

Os dejamos a continuación una muestra de algunos de los trabajos realizados y también el bonito vídeo realizado por niños y niñas de todas las etapas del cole con el fin de conmemorar el Día Contra la Violencia de Género.

 

DE PASEO POLO OUTONO!

Cando abrimos o libro de Ciencias da Natureza e observamos o que nos tocaba, caemos na conta que dar os cambios da paisaxe no outono ollando só para o libro de texto estando onde estamos, sería igual que estudarmos o Guernica nunha lámina se o teu colexio ficase ao carón do Reina Sofía.

Por mor diso, resolvemos xuntar todos os contidos dados na semana e adicar a tarde a gozar da aprendizaxe ao aire libre.

En Natureza estabamos aprendendo a distinguir as plantas polas súas características, arbustos, flores, árbores… e para iso temos xardíns e bosque no Sagrado.

En Lingua Castelá , andabamos aprendendo a facer unha listaxe de quefaceres, de material necesario ou da compra, a seguir as instrucións para realizarmos ou comprendermos unha tarefa; así que, iso elaboramos para executar a actividade: listaxe do necesario e das instrucións para levar a tarefa a bo porto.

En Matemáticas, andabamos a voltas coas nocións espaciais e con iso expresabamos os lugares onde debían ir e onde se situaban as especies a buscar, na dereita da portería, ao fondo do campo, entre un …? e un plataneiro de sombra, debaixo dun arbusto…

En Lingua, o vocabulario propio do outono; o noso bosque axudounos niso.

E en Tecnoloxía, aprendemos a empregar os móbiles coma ferramentas para a investigación e a aprendizaxe xa que con el sacamos fotos, valoramos a calidade e compartimos responsabilidade entre os compañeiros do grupo.

Chegado o momento, coa axuda das familias, ideamos a actividade que consistía en localizar durante uns días nos nosos espazos: unha árbore de folla caduca, unha de folla perenne, unha flor, un arbusto e unha herba. Tras traballar na aula o anteriormente mencionado, fixemos os grupos e repartimos labores e alá fomos retratar coa cámara as cinco especies solicitadas, especies elixidas democraticamente polo grupo.

Así o realizaron todos: elixiron, fotografaron, valoraron a calidade e repetiron as que lles saíron mal. Ao rematar, fixemos unha asemblea onde as conclusións foron moi positivas, asemblea que poderiamos resumir en: APRENDER É MOI DIVERTIDO!

Ao día seguinte, coas fotos impresas, elaboramos un mural no corredor que plasmaba o traballo realizado polos equipos, amosándoo con este proceder ao resto dos compañeiros con moita satisfacción.

Así dá gusto aprender!

Antiguas entradas

© 2018 SER DE PRIMARIA

Tema por Anders NorenArriba ↑