Día: 19 de noviembre de 2019

Sube e baixa…o relevo de España!

O alumnado de 6º de Primaria levamos a cabo este trimestre un proxecto sobre o relevo, a hidrografía e as zonas costeiras de España.

Durante as primeiras sesións traballamos os coñecementos previos que necesitábamos para levar a cabo a tarefa proposta; despois, en grupos, elaboramos a maqueta do relevo e dos ríos de España e, por último, avaliamos o traballo en grupo dos nosos/as compañeiros/as mediante unha diana de avaliación. Ademais, todos os días durante os cinco últimos minutos de cada sesión redactábamos o noso diario de aprendizaxe, onde imos recollendo o traballado cada día, as dificultades coas que nos atopamos, as nosas propostas de mellora,…é dicir, é unha forma de reflexionar sobre o noso traballo!

A continuación vos deixamos un vídeo onde podedes ver unha pequena parte do traballado na clase, esperamos que vos guste!

Magosto

Tal e como di a nosa canción “ coma sempre no Sagrado fixemos a mellor festa”, a pesar que este ano o ceo non nos acompañou para poder disfrutar do noso magosto nas pistas do colexio. 

Profes, nenos , nenas e familias degustaron as castañas durante a tarde o ritmo de cancións populares. 

Os maiores de 5º e 6º compartiron contos e xogos cos pequenos de infantil , riron e comeron xuntos. 

Non faltaron castañeiros, castañeiras e rapaces co traxe rexional e ata se animaron a bailar  unha muiñeira. 

Grazas polos momentos compartidos nos que nos unimos e que nos fan valorar que as celebracións, se son en familia, son moito mellores. 

© 2020 SER DE PRIMARIA

Tema por Anders NorenArriba ↑