Os/as alumnos/as de primeiro de primaria abordaron o estudo do corpo humano vendo as partes externas que o forman, así como os trazos físicos que os distinguen.
Para amosar o aprendido non viron mellor maneira que representar a súa figura e o aprendido nun corpo tamaño real.
A actividade resultou moi motivadora non só polo feito de ser o seu corpo, senón porque tiñan que facelo en grupo, apoiándose no que aprendera cada un .
Así se escoitaba por clase: “ Fas ti as partes do tronco?; Non te esquezas do embigo!; Puseches as cellas no seu sitio?; Lembra que Gagri ten cellas…”
Ao finalizar a tarefa chegou a quenda de impartir a clase aos demais compañeiros para amosarlles o seu traballo e os seus coñecementos.
