O alumnado de 5º de Primaria estivo traballando durante o último mes conceptos como o volume, a densidade, a masa, os efectos que producen as forzas nos corpos,…polo que…que mellor maneira de entendelos que converténdose en pequenos científicos e científicas experimentando e descubrindo ditos conceptos por eles memos.

Para iso levamos a cabo diferentes experiencias en clase e no laboratorio coas que puidemos poñer a proba os nosos coñecementos. Por exemplo, comprabamos a densidade de diferentes substancias, experimentamos coa flotabilidade de diferentes corpos, investigamos sobre as propiedades de diferentes materiais,…